İşğal etilgen Qırımnıñ Ermeni Bazar şeerinde Rusiye quvetçileri, anda kimler yaşağanını ögrenmek içün, evlerni teşkere, dep yaza "Sarı şerit".
"Soñki aftaları Rusiye quvetçileri işğal etilgen Ermeni Bazarda evlerni teşkerip, kim qayd etilgenini ve kimler kerçekten yaşağanını teşkere", — dep aytıla haberde.
Qayd etilgenine köre, resmiy olaraq böyle areketler, Rusiye akimiyeti bütün yerli ealini sayıp olamağanı, qaçaqlarnıñ evlerinde bulunğanını teşkermek içün yapıla.
"Rusiyelilerniñ, vaqtınca işğal etilgen topraqlarda bulunğan on biñlernen ukrayinalınıñ faaliyeti ve bulunğan yeri aqqında malümatı yoq. İnsanlarnıñ er bir areketini bütünley nezaret etmese, uquq qoruyıcılar çalışıp olamaylar", — dep qoştılar arekette.
Yarımada işğali şaraitlerinde "Sarı şerit" beyanatını teşkermek imkânsız.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
